【黃兆輝專欄】KOL是什麼?

KOL-pic

響網路世界有一種人叫KOL,即係Key Opinion Leader的簡稱,未來這類人士可能會是集商機、政治及信仰於一身嘅模式!佢哋以前響報紙副刊叫專欄旅行家、食家、影評人、響網頁上做blogger(博客)等,但依家他們以social media(社交媒體)如Facebook、Instagram、微信等空間裏,如朋友般同人分享照片、映像、和感受。好快,由虛擬網絡世界嘅身份中轉成比現實世界中身邊嘅同事、朋友更真實,而KOL會非常頻密update status,所吃所見一一分享,有時甚至live(即時現場)出街。可能好多人未明或唔信,咁KOL即係有咩咁重要。筆者響前排獲邀為到理工大學嘅年度科技講座演講,同場講者包括政府創科局副局長、理大副校長、中國經濟專家陳文鴻教授等,大家認同科技主宰未來,有人提出香港再引入高科技工業生產、智慧型樓宇等等,筆者特別強調呢個係Age of Social Media(社交媒體年代)。響呢個紀元,唔再係話IT人、工程師以電子技術,搞個砌個apps,先至叫搞科技賺錢,而相反,近十年好多成功的企業家,無論Steve Jobs、馬雲都唔再係IT programmer或Engineer出身,而係一類以開放眼光,丟掉固有思維去創新嘅人士(open eye-open mind),去應對最新最廣泛嘅市場需求!

而KOL就更加可以唔係什麼科技達人,只需要識得用手機、識得玩!舉例,有KOL對Pokemon Go嘅玩法有咗經驗和心得後,搞更多Trainer集會、分享會,集體行動。就係咁,KOL響每種生活經驗中,借助有活躍用戶十七億嘅Facebook、 WeChat(8億)、Instagram(5億)嘅平台,以前所未有嘅社交速度,何止一傳十、十傳百,而是無限幅射式極速令一個人、抑或一種概念、一件產品、一盤生意在一夜間爆紅,通通可以在連結嘅社區(connected community)內傳、傳、傳!無遠弗屆,只要有內容!對,內容就是一切!

內容可以造就人,激勵人嘅真實經驗,Social Media都只係工具,可載舟,亦可覆舟,帶來恐怖嘅散播、甚至毁滅殺機。因此「人人皆祭師」──向世界任何一個角落傳送好消息,不再留於金句、口號!而係一種實實在在強力武器,在一場爭戰中,必須擁抱呢件嘢!Social Media可以站在正面一方,讓喜樂、福氣極速傳到沮喪、絕望、痛苦嘅人心中。但若你又怕私隱、又保守食老本、唔識用又唔學,唔想用又唔知漸漸失去群眾,最後,Social Media 跌入黑暗一方,D本來掌權嘅就話要禁止D學生、年青人加入!其實,KOL一啲都唔新奇,二千年前咪有一班人以口述見証、利用口碑,在強大羅馬帝國逼迫下,響地下渠道向全世界傳述一件好消息,Peter、Paul、Mary、Andrew、Timothy……咪係步兵式KOL囉!今天,唔該大家都善用Social Media 呢件武器,分享正能量吧!