幸好，我們嘅神是真的教練、真的球證和真的球迷，去鼓勵我們在人生比賽上公平地演譯真生命！
四年一度嘅世界盃，今夏嚟到俄羅斯舉行，世界各地嘅球迷萬分期待，大家都渴望響呢個特別國際舞台上見證球王登基、超新星誕生！晚晩捱夜都係為咗唔好錯過精彩一刻，乜嘢廿碼外射入「世界波」、一個扭十個嘅場面、果啲弱隊血肉長城死守、倒掛金勾、百步穿楊、進攻水銀瀉地、十上十落、龍門力挽狂瀾……強隊發渾淋離盡致、弱隊戰至一兵一卒，以上種種激動場面，都建基於一個字：真！
點解咁講？大家如果記得南韓響2002年日韓共同主辦世界盃，「亞洲虎」先在分組賽和美國、打敗波蘭和葡萄牙，出線後加時淘汰意大利，八強也和西班牙，並射十二碼氣走狂牛！當時，有球評家驚嘆亞洲足球水平大爆發，把歐洲勁旅殺個措手不及……在熱血沸騰，歡呼聲壓下所有冷靜嘅意見，有人發現各場比賽中，南韓球員嘅衝勁、兇狠攔截一直都俾球證默許。相對而言，對手嘅任何動作都俾球證「嚴格」糾正，紅牌黃牌不斷招呼，甚至不少入球都被「吹」翻！直殺到四強，南韓才被足球界地位特殊嘅德國隊殺退，而該場由全歐球證組合執法，吹罰和比賽中人為誤差大幅減少，就令「出乎預料」嘅賽果消失了！激情過後，不少評論文章在16年來，分析球証們組合嘅背景、多場比賽中嘅凖則不一，每每指向「別有內情」！
世杯臨近，國際足聯宣佈沙特籍球證米爾達西將擔任2018俄羅斯世界盃嘅裁判。不過，據悉沙特足協已經致電國際足聯，要求取消其世杯執法資格，並將米爾達西終身禁賽，因為之前佢被任命為沙特國王盃裁判後，試圖操控比賽結果，並從中謀取不法利益！或者，米爾達西只是個別事件，亦可能是冰山一角，黑哨、打假波情況嚴重？！陳年往事中，誰是當屆冠軍已經沒有多少人留意，真相可能已經無法查究，但沒有真球員、真球證，所有峰迴路轉嘅賽事、緊張刺激嘅攻守鬥法，就只是一場戲，劇本原來早在某啲幕後黑手中！咁，球迷嘅歡呼尖叫都不應該認真了。祝願今屆世盃是真。比賽！幸好，我們嘅神是真的教練、真的球證和真的球迷，去鼓勵我們在人生比賽上公平地演譯真生命！
TEXT/黃兆輝
PHOTO/互聯網
